Angoni: Zjarret në Shkodër jo vetëm natyrore, por edhe të qëllimshme

Prefektja e Shkodrës, Majlinda Angoni deklaroi se dita e djeshme ishte kritike për Shkodrën sa i takon zjarreve.

Në një intervistë për “Euronews Albania”, Angoni theksoi se zjarret nuk janë vetëm natyrore, por dyshohet se janë edhe të qëllimshme.

“Dita e djeshme ishte një ditë kritike në qarkun e Shkodrës, ku kishim 11 vatra zjarri. Para pak ditësh kishim edhe Bashkinë e Vaut të Dejës ku kaloi një situate tepër të vështirë të zjarreve dhe jo të gjitha zjarret janë natyrore.

Në këto momente, kemi raportime për 8 banesa të pabanuara në Malësinë e Madhe që janë dëmtuar, në Bërdicë është rrezikuar një banesë. Po. Ka nga shkaqe natyrore, por mendohet që janë edhe zjarrvënie të qëllimshme. Policia po operon, i bëj thirrje prokurorisë që të jetë bashkëpunuese dhe të vejë para përgjegjësisë personat”, deklaroi prefektja.

Dy vatra zjarri janë ende aktive në fshatin Vilez në Shkllak dhe në Malin e Jushit. Gjatë paradites së sotme, pritet të fillojë edhe bilanci i dëmeve të shkaktuara.

LEXONI GJITHASHTU

• Qindra hektarë të shkrumbuar nga zjarret në Shkodër, nis verifikimi i dëmeve
• Zjarri djeg tre shtëpi në Bërdicë
• Ekskluzive | Pamje nga dëmet e zjarreve në Elbasan