Anijet spanjolle shpëtojnë 150 emigrantë pranë Ishujve Kanarie

Në 12 orët e fundit në Ishujt Kanarie kanë mbërritur më shumë se 150 emigrantë, të cilët me varka druri janë nisur drejt territoreve evropiane nga Afrika e Veriut.

Një varkë me 108 persona u pa pranë Punta de Rasca në Tenerife të shtunën dhe një anije shpëtimi patrulluese u erdhi në ndihmë emigrantëve.

Tetë persona nga kjo varkë u transferuan në spital pas zbarkimit me simptoma të dehidrimit ose sëmundjes, raporton Ansa.

Një varkë peshkimi me 50 persona në bord u vu re jo shumë larg nga Los Abrigos herët këtë mëngjes dhe një varkë shpëtimi mundi ta lokalizonte këtë varkë disa orë më vonë dhe ta shoqëronte në portin e Los Cristianos në Tenerife.

LEXONI GJITHASHTU:

• Po transportonte 11 emigrantë të paligjshëm, arrestohet 37-vjeçari në Gjirokastër
• Finlanda kërkon ndihmën e BE-së për ndaljen e fluksit të emigrantëve nga Rusia