Ankand me Whats’app, si teknologjia po e kalon ‘online’ blerjen e veprave të artit
ARCO, panairi më i madh i artit në Spanjë rikthehet në Madrid. Me mbi 200 galeri të rinovuara kombëtare dhe ndërkombëtare, si dhe me 350 koleksionistë të ftuar, që kërkojnë të bien në dashuri me veprat.
Biznesmenët me të ardhura të mjaftueshme, mund të paguajnë deri në 3.3 milionë për një vepër.
Por krahas galerive të mëdha dhe shifrave të larta që qarkullojnë, artistët e rinj dhe koleksionistët po kërkojnë mënyra të reja për shit-blerjen e veprave.
Manuel Sánchez-Blanco, me profesion inxhinier, sapo ka blerë këtë vepër të Arturo Méndez. Por ai nuk e bëri këtë në një galeri, por në një ankand përmes aplikacionit WhatsApp.
“Unë nuk kam akses në botën e artit apo tek veprat e artistëve të rinj dhe e vërteta është se kjo është një mënyrë për t’i zbuluar ato në një mënyrë më argëtuese e dinamike dhe me çmim të mirë”, thotë Manuel Sánchez-Blanco, koleksionist veprash arti.
Artisti Nacho Vergara, themelues i projektit, krijoi opsionin “subwhatsapps” për nisjen e fushatës. Që prej atëherë, 500 persona ndjekin ankandet çdo javë në WhatsApp. Përdoruesit vlerësojnë punën e tij për kujdesin e veprave të artit dhe artistëve.
“Është një person i përkushtuar në zgjedhjen e artistëve dhe veprave të tyre duke ofruar garanci”, shprehet koleksionisti.
Larg nga galeritë tradicionale, projekte të reja po dalin për të tërhequr koleksionistë që kërkojnë eksperienca të reja blerjeje.
“Në vend të njerëzve që ulen dhe mbajnë një qëndrim serioz, këtu njerëzit qëndrojnë duke pirë një gotë verë apo xhin-tonik dhe ka më shumë atmosferë…
…Shumë nga koleksionistët, ose publiku që vjen në ankandet tona, janë të interesuar si për artin bashkëkohor që ne ofrojmë, ashtu dhe për eksperiencën që ofron eventi, që është ankandi”, shprehet Antonio Yera, themelues i “Maza Art”.
Cilido qoftë formati, arti e gjen rrugën e tij…
LEXONI GJITHASHTU:
Kryefaqja
Regjistër publik për autorët e dhunës në familje, Irlanda miraton legjislacionin
Franca dhe Gjermania zgjerojnë partneritetin mbrojtës, ndërsa Evropa kërkon më shumë autonomi ushtarake
Zjarr masiv në Norvegji, digjen 50 banesa (VIDEO)
- 22:24 Berisha për deklaratat e ministres serbe: Ndjesa e një monstre, përsëris kërkesën për shpalljen e saj ‘non grata’
- 22:16 Dedaj: Spiropali do ministri, po bën presion për të kapur post në PS
- 21:55 Regjistër publik për autorët e dhunës në familje, Irlanda miraton legjislacionin
- 21:45 “PD të reflektojë”, Nurellari: Ka humbur zgjedhjet e s’bën mbledhje për Këshillin Kombëtar
- 21:28 Kuçana sqaron rezolutën që i nisi Berishës: Ne duhet të reagojmë si parti
- 21:08 Kanosën gazetarin në aksin rrugor Librazhd-Elbasan, procedohen penalisht dy persona