Ankandi me fanellat e Messit, koleksioni shitet për 7.8 mln dollarë

Pak javë më parë u organizuar ankandi ku do të shiteshin 6 fanella të Lionel Messi, të veshura nga argjentinasi gjatë kampionatit botëror.

Eventi në fjalë është përmbyllur me sukses, ndërsa shuma e përfituar është 7.8 milionë dollarë, të cilat do të jepen për bamirësi. Shtëpia “Sobethy” organizoi ankandin ku morën pjesë dhjetra persona, teksa pagesa e përllogaritur për vetëm 1 nga fanellat është 1.3 milionë dollarë.

Qëllimi ishte të vendosej një rekord i ri, i cili nuk u arrit, e bëhet fjalë për atë të Majkëll Xhordan, ku koleksioni i tij u shit për 10.1 milionë dollar në vitin 2022. Ai konsiderohet artikulli më i shtrenjtë sportive i shitur ndonjëherë në histori, konkretisht një fanellë e Chicago Bulls, e veshur prej basketbollistit në ndeshjen e parë të finaleve të NBA në 1998.

Paratë e grumbulluara gjatë këtyre eventeve shkojnë për bamirësi, tek njerëzit në nevojë. Fanellat e Lionel Messit kanë regjistruar rekord shitjesh për faktin, se ylli i Inter Miamit arriti të triumfonte në kampionatin botëror, ku në finale mposhtën Francën në ekzekutimin e penalltive.

LEXONI GJITHASHTU:

• “Dëshiroja kthimin në Barcelonë”- Lionel Messi flet për transferimin në SHBA
• Messi flet pas dhunës në Brazil-Argjentinë: Mund të ishte një tragjedi