Ankohen banorët në Durrës: Pallatet e rindërtuara pa kushte, mungojnë ujë e drita

Ndonëse çelësat e apartamenteve i kanë marrë rreth 2 muaj më parë, 20 familjet e një pallati të rindërtuar në lagjen nr.7 të Durrësit ende nuk po u gëzohen shtëpive të reja.

Shkak është bërë mosfurnizimi me ujë dhe energji elektrike në godinën nr.21.

Ata vijojnë të jetojnë në banesa me qira, në një kohë që fondet për bonuset e qirasë janë ndërprerë prej 5 muajsh nga qeveria.

Euronews Albania u interesua pranë Ujësjellës Kanalizime Rajoni Durrës dhe Operatorit të Shpërndarjes së Energjisë Elektrike në qytetin bregdetar.

Burime zyrtare konfirmuan se po punohet për sistemimin e kontratave dhe instalimin e matësve të ujit, ndërsa brenda javës pallati 6-katësh do të ketë energji elektrike.

LEXONI GJITHASHTU:

• Kroçiera “Nautica” sërish në port brenda muajit, 648 turistë në Durrës
• FOTO| Ankorohet në Portin e Durrësit jahti 500 milionë dollarë i Jeff Bezos