Apeli ekstradon rusin/ 60-vjeçari Kokunov është dënohet nga Moska me 15 vite burg

Gjykata e Apelit vendosi të lejë në fuqi vendimin e Gjykatës së Shkallës së Parë për ekstradimin në Rusi të shtetasit Igor Kokunov.

60-vjeçari nga Rusia, u arrestua në korrik të viti të kaluar në pikën doganore të Muriqanit, pas një urdhër arresti ndërkombëtar nga Rusia. Sipas dosjes së prokurorisë, Rusë, Kukunov akuzohet për një sërë veprash penale dhe dyshohet se është drejtues i një grupi kriminal.

Pas arrestimit në Shqipëri, Kukunov kërkoi nga shteti shqiptar të mos ekstradohet drejt Rusisë. Avokatët e tij pretendojnë se 60-vjeçarit i rrezikohet jeta nëse kthehet në vendin e lindjes. Avokatët deklaruan se autoritet ruse nuk e kanë paraqitur kërkesën brenda afateve të caktuara ligjore për ekstradim.

Në dokumentet e Gjykatës së Moskës 60-vjeçari është dënuar me 15 vite burg për drejtimin e një organizate kriminale nga viti 1993 deri në vitin 2019.Gjykata e Apelit pasi ka shqyrtuar dokumentet e palës ruse dhe pretendimin e Igor Kokunov, ka vendosur të lerë në fuqi vendimin e shkallës së parë që i hap rrugën ekstradimit të tij drejt Moskës. Vendimi i Apelit shqiptar do t’i dërgohet dhe Ambasadës Ruse e cila do të ndjek procedurat e ekstradimit.

LEXONI GJITHASHTU: 

• Harku opozitar euro-atlantik, PD propozime për ndryshimin e sistemit zgjedhor
• Hovenier i përgjigjet Vuçiçit: Aleanca më e fortë në histori është këtu