Apeli i GJKKO refuzon kërkesën e Arben Ahmetaj për kthimin e pronave të sekuestruara

Ish-zëvendës kryeministri Arben Ahmetaj i përfaqësuar nga avokati Ardian Visha ka kërkuar në seancën e sotme kthim të pronave të tij të sekustruara nga SPAK, por kërkesa është refuzuar nga Apeli i Gjykatës së Posaçme.

Apeli la në fuqi vendimin e shkallës së parë për sekuestron e pasurisë së ish zv.kryeministrit Arben Ahmetaj.

Nga arratia, nëpërmjet avokatit të tij, ai kërkoi në Apel kthimin e apartamentit në zonën e Shallvareve që iu sekuestrua nga SPAK, në kuadër të hetimeve që po kryen për 3 vepra penale.

Pak javë më parë, me vendim të gjykatës dhe kërkesë të SPAK, Ahmetajt iu vunë në sekuestro edhe 6 pasuri, 4 apartamente dhe 2 llogari bankare në shumën e 124 300 euro.

Ndaj Ahmetajt ka një urdhër-arresti ndërkombëtar me masë dhënë në mungesë “Arrest në burg” për veprat penale: “Korrupsion”, “pastrim parash” dhe “fshehje pasurie”.

Hetimet e SPAK lidhen me inceneratorët.

LEXONI GJITHASHTU:

• Arben Ahmetaj kërkon nga arratia kthimin e pronave të sekuestruara nga SPAK
• SPAK shpall në kërkim ndërkombëtar Arben Ahmetajn