Apeli i GJKKO rrëzon kërkesën e radhës të Erion Veliajt

Gjykata e Apelit te Posaçëm ka rrezuar kërkesën e bërë nga Erion Veliaj për pavlefshmëri të veprimeve hetimore të SPAK.

Më herët një kërkesë e tillë u bë në shkallen e parë te gjyqësorit në GJKKO, ku u vendos rrëzimi i kërkesës.

Mbrojtja e Veliajt e ankimoi në Apelin e Posaçëm, kërkesë që u rrëzua këtë të hënë nga gjyqtari Engert Pëllumbi

“Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtari Engert Pëllumbi, sot më 20.10.2025, shpalli vendimin mbi çështjen penale nr. 240 akti, datë 14.10.2025 regjistrimi, mbi ankimin e personit nën hetim E.V., me objekt: “Ankim ndaj vendimit nr. 43 akti, datë 01.09.2025, të Gjykatës së Posaçme të Shkallës së Parë për Korrupsionin dhe Krimin e Organizuar, me objekt: Konstatimi i shkeljeve procedurale të Prokurorisë së Posaçme gjatë fazës së hetimeve paraprake të procedimit penal nr. 27, të vitit 2024 dhe pavlefshmërinë e veprimeve hetimore” dhe vendosi:

– Lënien në fuqi të Vendimit nr. 43 akti, datë 01.09.2025 të Gjykatës së Posaçme të Shkallës së Parë për Korrupsionin e Krimin e Organizuar.

U shpall në Tiranë, me datë 20.10.2025”, thuhet në vendimin e Apelit të GJKKO.

LEXONI GJITHASHTU:

• Ankimi i Veliajt, Kushtetuesja thërret Presidentin në seancën e 31 tetorit
• Bojkoti i avokatëve, shtyhet seanca paraprake për Veliajn në GJKKO