Apeli i GJKKO-së lë në fuqi vendimin për pezullimin nga detyra me tre muaj për mjekun Prifti

Apeli i Gjykatës së Posaçme ka lënë në fuqi vendimin për pezullimin nga detyra për tre muaj ndaj mjekut Edvin Prifti.

Gjatë seancës nëpërmjet avokatit të tij, Prifti i ka kërkuar gjykatës sqarimin nëse ky vendim nuk i lejon ushtrimin e detyrës vetëm në shtet apo edhe në privat.

Ndërsa gjykata nuk ka dhënë një përgjigje, pasi është shprehur se mjeku përgjigjen do e marrë në arsyetimin e vendimit.

Kujtojmë se disa javë më parë me kërkesë të SPAK, Gjykata e Posaçme vendosi në sekuestro 2 llogari bankare të kardiokirurgut Edvin Prifti i vënë nën akuzë për korrupsion dhe pastrim parash.

Konkretisht janë sekuestruar shumat 51.4 milionë dhe 177 mijë euro, ndërsa nga hetimi ka rezultuar ngritja e një skeme të mirëfilltë kriminale që konsistonte në paraqitjen e faturave tatimore false me qëllim shmangien nga pagimi i tatimeve.

Mjeku Prifti ra në pranga pas hetimeve të SPAK për korrupsion me lirimet nga burgjet në Gjykatën e Krujës, ku u arrestua edhe gjyqtarja Enkelejda Hoxha.

Emri i kardiokirurgut doli në përgjime ku ai kishte komunikuar me sekretaren e Gjykatës Krujës teksa kjo e fundit i kërkonte favor për të asistuar në operacionin e nënës së saj.

LEXONI GJITHASHTU:

Sekuestrohen llogaritë bankare të kardiokirurgut Edvin Prifti

“Të rikthehet në burg kardiokirurgu Edvin Prifti”, SPAK rekurs në Gjykatën e Lartë

Caktohen gjyqtarët që do shqyrtojnë ankimimin e Enkelejda Hoxhës dhe mjekut Edvin Prifti