Apeli lë në fuqi vendimin për ish-gjyqtaren Mimoza Margjeka dhe të akuzuarit e tjerë

Gjykata e Posaçme e Apelit dënoi përfundimisht me 4 vjet e 6 muaj burg ish-gjyqtaren e Apelit në Korçë Mimoza Margjekën, për akuzën e “korrupsionit”.

Por vendimi pezullon ekzekutimin e dënimit, e për rrjedhojë në përfundim Margjeka do të kryejë 3 vjet shërbim prove si edhe i mohohet e drejta e ushtrimit të funksioneve publike për 5 vite.

Nga ana tjetër, për Arben Carën, bashkëshortin e saj, gjykata dha 4 vite burg, ndërsa për avokatin Skënder Demirin u dha dënimi me 3 vjet burgim që konvertohet në aq vite shërbim prove. Po i njëjti dënim me Demirin u dha edhe për Klaudio Zhillën.

Për Nejton Balin 1.2 vite burg konvertuar në 2 vjet e 4 muaj Shërbim Prove. Vetëm Arben Cara ndodhet aktualisht në burg duke vuajtur dënimin. Sipas SPAK këta persona akuzohen se i kanë dhënë gjyqtares Margjeka shumën e 6000 eurove për të ndryshuar masën e sigurisë për shtetasin Erion Bali, vëllain e Nejton Balit i arrestuar për trafik klandestinësh kundrejt “garancisë pasurore”.  Sasinë e parave e mori bashkëshorti i ish-gjyqtares.

LEXONI GJITHASHTU:

• Rama: Kinemaja e Shkodrës, gati për transformim. Do i rikthejmë identitetin
• “Kam pacientë që mezi ecin, të paralizuar nga azoti i tullumbaceve”-mjeku nga Londra