English

Aramatoset Kosova, Ministri i Mbrojtjes: Kemi blerë “Bayraktar” dhe sisteme armatimi

KOMENTE

SHPERNDAJE
ARTIKULLIN

Text sizeAa Aa

“Përveç dronëve, janë blerë edhe shumë sisteme të tjera të armatimit e municioneve”, kështu ka deklaruar Ministri i Mbrojtjes në Kosovë, Ejup Maqedonci.

- Advertisement -

Shefi i Mbrojtjes në Kosovë njoftoi se dronët “Bayraktar” të blerë nga Turqia, tashmë kanë fluturuar mbi qiellin e Kosovës, si testim nga Forcat e Sigurisë së Kosovës.

“Jo vetëm dronët, por të gjitha sistemet e armatimit që i kemi në dispozicion, testohen në Forcën e Sigurisë së Kosovës. Po ashtu, përdoren edhe për t’u trajnuar, ushtarët trajnohen për të operuar si mjet, po edhe si ekip. Byraktarët kanë fluturuar mbi qiellin e Kosovës. Jo vetëm dronët Bayraktar, por janë blerë shumë sisteme të armatimit, shumë municione dhe në aspektin e automjeteve taktike të cilat kanë qenë të planifikuara të blihen në faza më të vonshme”, deklaroi Maqedonci.

Më tej, Maqedonci tha se nga mbështetja e vazhdueshme e qeverisë Kurti, blerja e këtyre dronëve është blerë para kohe, madje me buxhet shtesë.

“Nuk mund të thuhet çështja e numrit apo çështjet teknike të blerjes së dronëve “Bayraktar”. Mund të themi që është kapacitet që është i planifikuar në tabelën organizative të pajisjeve të Forcës së Sigurisë së Kosovës. Pra, është një kapacitet i parashikuar më herët dhe që është blerë para kohe si mbështetje që e kemi pasur nga Qeveria e Kosovës, pra nga kryeministri Kurti, me buxhet shtesë në këtë çështje”, shtoi më tutje ministri i mbrojtjes në Tv1.

Kujtojmë se Ushtria e Kosovës është përforcuar me dronë “Bayraktar” TB-2 të blerë nga Turqia, që tashmë janë pjesë e arsenalit të FSK-së.Ndërsa kryeministri Albin Kurti, ka thënë se me blerjen e dronëve do të rritet siguria në Kosovë.

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Euro 2024| A mendoni se Shqipëria do të mund ta kalojë grupin e “ferrit” në kampionatin Evropian?