“Arben Ahmetaj rezulton pa shtëpi”, gazetari zbulon çfarë sekuestroi BKH në dy vilat

Gazetari Poli Hoxha tha në një intervistë për Euroneës Albania se hetimi ndaj Arben Ahmetajt po thellohet.

Hoxha tregoi se operacioni në pronat e të afërmve të Ahmetajt kishte për synim që gjente prova për inceneratorët.

Por, shtoi gazetari, dokumentet e sekuestruara në dy vila kanë të bëjnë me shtëpitë që lidhen me Ahmetajn, pasi pasi asnjë prej tyre nuk rezulton në emër të tij.

“Operacioni ka nisur që dje në drekë në vilën e bashkëjetueses aktuale të Ahmetajt, ku BKH dhe policia bënë kontroll dhe i vunë shuirtin, më pas u kontrollua edhe shtëpia e ish-bashkëshortes.  Është sekuestruar një dokumentacion i bollshëm, por më shumë ka të bëjë me shtëpitë që lidhen me Ahmetajt pasi rezultoi se edhe këto nuk ishin në pronësi të tij, Ahmetaj po rezulton pa shtëpi në emrin e vet. Janë sekuestruar planimetria dhe disa dokumente të porositjeve dhe bëhet fjalë edhe për shtëpi të tjera”, tha gazetari.

LEXONI GJITHASHTU:

• SPAK reagon për Arben Ahmetaj: Po hetohet në procedim të ndarë, ndalni sulmet
• “Ministri më i përkëdhelur i Ramës”, Qafoku krahason Ahmetajn me Hamza Kastriotin