“Ministri më i përkëdhelur i Ramës”, Qafoku krahason Ahmetajn me Hamza Kastriotin

I ftuar në Euronews Albania, Roland Qafoku e ka cilësuar përplasjen Rama-Ahmetaj, të ngjashme me situatën mes Koçi Xoxes dhe Enver Hoxhës. Por ai tha se mund të kemi të bëjmë edhe me një tradhëti, duke e krahasuar Ahmetajn me Hamza Kastriotin.

“Nuk e ndaj dot në kemi të bëjmë me sindromën e Hamza Kastriotit apo të Koçi Xoxes. A është i tradhëtuar Rama nga Ahmetaj, apo kemi një stil si Enver Hoxhës ndaj Koçi Xoxes”, tha Roland Qafoku.

Roland Qafoku ka thënë se ministri Ahmetaj ka qenë më i përkëdheluri i kryeministrit Rama dhe njeriu që i ka qëndruar më afër atij, por nëse ka një skandal ekonomik Ministri i Financave duhet të mbajë përgjegjësi.

“Ahmetaj ka qenë ministri më i rëndësishëm dhe më i përkëdhelur i kabinetit të Ramës. Nëse ka një akuzë apo një skandal financiar, Ministër Financash ka qenë Arben Ahmetaj. Kështu që të dalësh i larë nëse ka një skandal…Nëse ka pasur një skandal, ne po flasim për Ministrin e Financave, zëvendës- Kryeministrin dhe njeriun që harxhonte më shumë kohë se askush tjetër me Kryeministrin tonë”.

LEXONI GJITHASHTU

• “Rasti i Ahmetaj sapo ka nisur”, Çipa: Përballja me drejtësinë do të jetë e gjatë

• Pse BKH ‘zbarkoi’ në banesat e Ahmetajt? Kreshnik Spahiu: Mund të gjenden prova
• Largimi i Artan Lames nga hipoteka, Kreshnik Spahiu: Ja për çfarë dyshoj