Arben Kraja prezanton kërkesën e SPAK për heqjen e lirisë për Sali Berishën

Prokurori i SPAK, Arben Kraja prezantoni në Këshillin e Mandateve kërkesën e SPAK për shtrëngimin e masës së sigurisë me heqje lirie për Sali Berishën.

Para deputetëve të mazhorancës dhe të vetmit deputetë të opozitës, Enkelejd Alibeaj, Kraja lexoi akuzat mbi bazën e të cilave bëhet kjo kërkesë.

Kraja tha se nga hetimet vlerësohet se është krijuar dyshimi se Sali Berisha, në cilësinë e tij si kryeministër, ka kryer veprime konkrete aktive me qëllim përshtatjen e ligjeve, ku përfitues ishte edhe bashkëshorti i vajzës së tij Jamarbër Malltezi.

“Ka dyshime të arsyeshme se nga personi nën hetim Sali Berisha ka kryer veprën penale të korrupsionit pasiv dhe se ekzistojnë kushtet dhe kriteret për ndryshimin e masës së sigurisë. Nuk ka asnjë përplasje kompetencash me kuvendin sa i takon masës së parë të vendosur ndaj Sali Berishës ( Detyrim paraqitje dhe ndalim i lëvizjes jashtë vendit), dhe për këtë arsye SPAK-ut nuk i lindte nevoja për të kërkuar autorizim nga kuvendi.

Për shkak se Berisha nuk ka zbatuar vendimin e gjykatës, bazuar në kodin e procedurës penale dhe kushtetutë, kërkojmë ashpërsimin e masës së sigurisë, dhe masa për arrest me burg ose shtëpie kërkon autorizim nga kuvendi”, tha Kraja.

LEXONI GJITHASHTU:

• Argita Berisha nga protesta: Njerëzit do ta mbështesin Sali Berishën, jam e bindur
• Këshilli i Mandateve, Berisha refuzon të shkojë: Nuk pranoj poshtërim publik