Këshilli i Mandateve, Berisha refuzon të shkojë: Nuk pranoj poshtërim publik

Sali Berisha ka deklaruar se nuk do të shkojë në mbledhjen e Këshillit të Mandateve që do të zhvillohet ditën e sotme për shqyrtimin e kërkesës së SPAK që kërkon heqjen e imunitetit të liderit demokrat.

Në një deklaratë për mediat, Berisha theksoi se nuk mund të pranoj poshtërimin publik të institucionit që me Kushtetutë është institucioni qendror i Republikës Parlamentare.

“Sot pra, ata shkojnë si përfaqësues të Edi Ramës, mbi Kushtetutën, mbi parlamentin, poshtërojnë në këtë mënyrë institucionin qendror të një republike parlamentare, de facto sot një narkorepublikë apo republikë e bandës, krimit dhe vjedhjes së shqiptarëve. Edi Rama dhe larot e tij vrapuan drejt parlamentit për t’i kërkuar zevëndësimin e masave anti-kushtetuese që kanë dhënë ndaj meje me masat më të rënda, arrestin me burg ose arrest shtëpie.

Ky është poshtërim i parlamentit. Ndaj dhe unë sot nuk mund të ndodhesha kurrë në atë komision. Të pranoja një poshtërim publik të tillë të institucionit që me Kushtetutë është institucioni qendror i Republikës Parlamentare”-tha Berisha.

LEXONI GJITHASHTU: 

• Ndryshimet në Ligjin për Komisionet Hetimore, Tabaku: Avancimi i njëanshëm
• Deputeti gjerman godet Vuçiç: Po kërkon të destabilizojë gjithë rajonin e Ballkanit