Arbër Hoxha drejt seria A? Sulmuesi kuqezi në radarët e Leçes për merkaton e dimrit

Sulmuesi i Kombëtares, Arbër Hoxha vijon të shkëlqej në Kroaci ku po po kalon një sezon të mirë me Dinamon e Zagrebit. Së fundi mediat italiane flasin për një shtim të interesit për të në klubet e Seria A.

Eksperti i merkatos, Xhanluka Di Marzio shkruan për një interesim nga klubi i Serisë A, Leçe për futbollistin kuqezi. Bëhet fjalë për ekipin puljez, ku luajnë edhe dy mesfushorët e Kombëtares, Ylber Ramadani dhe Medon Berisha që në këtë sezon kanë marrë në dorë frenat e mesfushës.

Mediat italiane shkruajnë se interesimi për mesfushorin ofensiv të Dinamos së Zagrebit vjen për shkak të dëmtimit të Lamek Banda, të cilin klubi italian do të kërkojë që ta zëvendësojë me Hoxhën. Gjithçka pritet të ndodh mes palëve, që raportohet se janë në tratativa të avancuara.

Hoxha është duke kaluar një periudhë shumë të mirë në karrierë, ku përveç rolit të Dinamo e Zagrebit, ai ka bërë mjaft mirë edhe në kombëtaren e Shqipërisë, ku në minutat që ka marrë nga trajneri Silvinjo, ka bërë diferencën.

LEXONI GJITHASHTU:

• Meloni refuzon largimin e simboleve fashiste nga logoja e partisë
• I dënuar me burgim të përjetshëm, kapet në Athinë i shumëkërkuari Jani Alia