I dënuar me burgim të përjetshëm, kapet në Athinë i shumëkërkuari Jani Alia

Është arrestuar ne Athine, i shumëkërkuari i drejtësisë Jani Alia. Ai është dënuar në vitin 2018 me burgim te përjetshëm për vrasjen ne ish-bllok te Elton Çiços.

I shumëkërkuari i drejtësisë, Jani Alia, i dënuar me burgim të përjetshëm, është vënë në pranga në Greqi. 47-vjeçari fshihej në Athinë dhe tashmë Interpol Tirana, në koordinim me Interpol Athinën, po vijon procedurat për ekstradimin e tij drejt Shqipërisë.

Jani Alia u dënua në mungesë me burgim të përjetshëm, për vrasjen e Elton Çiços në zonën e ish-bllokut në Tiranë më 1 maj 2016 dhe dënua me burg përjetë, 2 vite më vonë.

Dyshohet se hasmëria mes tyre kishte nisur që në Greqi, ku ndodheshin në të njëjtin burg.

Ndaj Aliat, ka edhe një masë arresti me burg dhënë nga Gjykata e Përmetit, për veprat penale “Prodhim dhe shitje narkotikësh”, “Vrasja me dashje në lidhje me një krim tjetër, mbetur në tentativë” në bashkëpunim dhe “Armëmbajtje pa leje”.

Më 9 qershor 2023 apeli  i GJKKO la në fuqi konfiskimin e 7 pasurive në emër të familjarëve të Jani Aliajt, nga të cilat katër njësi tregtare, dy sipërfaqe me ullinj dhe një vilë në Borsh, të cilat sot janë pronë e shtetit.

“Departamenti i Policisë Kriminale, pas punës gjurmuese dhe sigurimit të informacionit, identifikoi vendndodhjen e Jani Alia, i cili fshihej në Athinë. Falë bashkëpunimit të ngushtë dhe shkëmbimit të informacionit mes Policisë së Shtetit dhe autoriteteve greke, Policia Greke finalizoi operacionin “IN TIME”, duke arrestuar këtë shtetas”,-thuhet në njoftim

LEXON GJITHASHTU:

• Aksident në Greqi/ Vdesin dy të rinj, plagoset rëndë shqiptari (Emri)
• E rëndë në Tetovë! Babai vret djalin