Arbjan Mazniku: Arsyet pse qytetarët kanë vlerësim më pozitiv për Tiranën

Nënkryetari i Bashkisë së Tiranës, Arbjan Mazniku thotë se kryeqytetasit kanë vlerësim më pozitiv për kryeqytetin, në krahasim me gjithë qytetet e tjera në vend.

Në emisionin “Barometri” në Euronews Albania, Arbjan Mazniku u shpreh se kjo ndodh për shkak se në Tiranë, ekonomia lëviz më shumë dhe jeta është më dinamike.

“Është interesante fakti që kur njerëzit e krahasojnë situatën e qytetit të tyre në krahasim me vendin, ka një vlerësim shumë herë më pozitiv për qytetin.

Kjo është një gjë e pritshme, pasi tipikisht gjërat në kryeqytet lëvizin më shumë, ekonomia lëviz më shumë, ka më shumë dinamikë jete”, theksoi ai.