Argita për kryetare të PD? Avokati: Nga do të vijë kreu i ri i kësaj force politike

Avokati Redi Ramaj është shprehur se sheh Grupin Parlamentar të Partisë Demokratike si organin më përbashkues të kësaj force politike.

Komentet Ramaj i bëri në emisionin “Now me Erla Mëhillin” në Euronews Albania, ku tha se nuk e sheh të arsyeshme që vajza e ish-kryeministrit Berisha, Argita Malltezi, të marrë drejtimin e Partisë.

Ai tha se formimi i liderit duhet të bëhet në një proces brenda partisë.

“Si opozitar shoh si shqetësim që PD e provoi njëherë dhurimin e lidershipit dhe mbajtjen e një kohe të gjatë të një lideri dhe jemi në këtë situatë. Pra nuk mund të dhurohet lidershipi, qoftë edhe për vajzën e zotit Berisha.

Zonja Malltezi vetëm për këtë periudhën e fundit është angazhuar në retorikë politike. Mendoj se formimi i liderit është një proces brenda partisë.

I vetmi organ brenda PD-së që është bashkues, është grupi parlamentar, i cili ka rritur numrat e deputetëve. Drejtimin e PD pas situatës së Berishës, do të vijë nga brenda Grupit Parlamentar, se nuk shoh alternativa të tjera”, tha Ramaj.

LEXONI GJITHASHTU:

• Shabani përplaset me Këlliçin: Ti duhet te garoje përballë Berishës
• Argita Malltezi kryetare e PD? Këlliçi: S’ka avantazh pse është e bija e Berishës