Argjentina fiton edhe pa Messin, Brazili merr kreun e renditjes

Mungesa e Messit nuk u ndje aspak në fushën e lojës, aty ku Argjentina mori fitoren e radhës në përballjen ndaj Bolivisë. Albiçelestët dominuan sfidën, ndërsa arritën të shënojnë 2 gola që në fraksionin e parë të lojës, me Fernandez dhe Tagliafico. Në pjesën e dytë argjentinasit thelluan edhe më tepër epërsinë, ku Fernandez vulosi triumfin 3-0.

Rivalët më të mëdhenj, ata të Brazilit po ashtu arritën një rezultat pozitiv në përballjen e dytë kualifikuese, ku kundërshtari i radhës ishte Peruja. Pas dy golave të anuluar nga sistemi VAR për pozicion të parregullt të Richarlison, ishte Maquinhos i cili solli fitoren për Selesaon në limitet e kohës së rregullt.

Fitore regjistruan dhe Venezuela e Ekuadori, me këta të fundit që fituan ndaj Uruguait. Një dygolësh i Torres solli 3 pikët e para për ekuadorianët, të cilët për shkak të një vendimi e nisën rrugëtimin e tyre me minus 3 pikë. Salomon Rondon ishte heroi i Venezuelës, i cili arriti të zgjidhte sfidën. Ndërkohë përballja tjetër e zhvilluar, ajo mes Kilit dhe Kolumbisë u mbyll me shifra të bardha.

LEXONI GJITHASHTU:

• Nominimet për Topin e Artë, Messi në kërkim të trofeut të 8-të. Mungon Ronaldo
• Messi shënon në MLS, Inter Miami rikthehet tek fitorja, triumfon me rezultatin 2-0