Argjentina në finale, sot Franca përballet me Marokun

Argjentina është finalistja e parë e kupës së botës që zhvillohet në Katar, pas fitores 3-0 ndaj Kroacisë. Skuadra e Lionel Skalonit dominoi plotësisht ndaj kundërshtarit, ndërkohë kroatët e patën të pamundur të reagojnë.

Të besuarit e Daliç shfaqën shenja lodhje, gjë që u shfrytëzua maksimalisht nga kunëdrshtari, i cili gjeti golin me Messin në minutën e 34’. 5 minuta më vonë, pakujdesia në mbrojtjen e kroatëve, i dha mundësinë Alvarezit të dyfishonte rezultatin.

Në pjesën e dytë ishte sërish Alvarez që vulosi fitoren 3-0, pas një asisti fantastik nga kapiteni Messi, duke e dërguar në rrjetë.

Albiçelestët do të njohin sot në mbrëmje kundërshtarin e tyre, ku do të jetë njëri prej Francës apo Marokut. Ndeshja zhvillohet në Al Bajat Stedium, teksa të dyja skuadrat vijnë me mungesa. Gjelat e drejtuar nga Deshomp shihen favoritë, teksa në anën tjetër Maroku premton se do të jetë një kockë e fortë, për fakti nse ka eleminuar Belgjikën, Spanjën dhe Portugalinë.

Ndeshja do të gjykohet nga meksikani Ramos, teksa në këtë impiant modern priten më tepër se 70 mijë të pranishëm.

LEXONI GJITHASHTU

• Formacionet e mundshme të Francës dhe Marokut
• Futbollisti iranian kërcënohet me dënim me vdekje
• Lionel Messi: Shpresoj ta fitojmë finalen