Arrestimet e SPAK, nis hetimi pasuror për ish-shoferin e Ardi Veliut dhe familjes

Prokuroria Kundër Korrupsionit dhe Krimit të Organizuar ka nisur hetim pasuror për të gjithë të arrestuarit e operacionit të së mërkurës, ku u godit një grup kriminal që merrej me trafikimin e sendeve me vlerë dhe pastrim parash.

Mes të arrestuarve është dhe ish-shoferi i Ardi Veliut, Sokol Idrizaj së bashku me bashkëshorten e tij Elda Idrizaj dhe vajzën. Ndaj vajzës tjetër të Idrizaj është caktuar masa e sigurisë “Detyrim paraqitje”.

Ish-shoferi, i cili mësohet se ka qenë nën hetim dhe i pezulluar nga detyra, dyshohet se në bashkëpunim me një argjendari në Tiranë kryente trafikimin e sendeve me vlerë si diamantë, bizhuteri floriri, madje dhe para cash përmes portit të Durrësit.

Burime pranë SPAK konfirmojnë se ka nisur identifikimi i pasurive të personave të përfshirë në këtë aktivitet të paligjshëm me qëllim hetimin e burimit të të ardhurav; dhe nëse rezultojnë të krijuara nga aktiviteti kriminal, do të përgatitet kërkesa për t’i kërkuar gjykatës vendosjen nën sekuestro.

Disa nga personat ndaj të cilëve janë ekzekutuar urdhërat e arrestit janë:

Vangjush Kashari- biznesmen në shitjen e sendeve me vlerë

Agustin Mesuli

Altin Doda

Florjan Bakri

Tomor Baruti

LEXO GJITHASHTU:

• “2 mln € pagesa e 3.4 kg flori”- Detaje nga arrestimi i ish-shoferit të Ardi Veliut
• Vodhën kasafortën e një biznesi në Tiranë, arrestohen dy të rinj
• Nëna nga Fieri me 10 fëmijë: Mbledhim kanaçe dhe hekura në rrugë