Spitali Universitar i Traumës, ka reaguar pas arrestimit në flagrancë të mjekut reanimator Fitim Marku.
Në një postim në ‘Facebook” Spitali Universitar i Traumës inkurajon organet e drejtësisë për të çuar deri në fund hetimin dhe zbardhjen e së vërtetës, për të vënë para përgjegjësisë këdo që përfshihet në veprime të kundërligjshme, përkundrejt shërbimit që ofrohet për qytetarët.
“Raste të tilla nuk duhet të përkthehen në njollosjen e të gjitha bluzave të bardha, mjekëve dhe infermierëve, të cilët e kryejnë me përkushtim dhe korrektesë punën e tyre çdo ditë në shërbim të pacientëve”- thuhet në reagim.
Pas këtij rasti spitali thotë se shërbimet për qytetarët nuk do të ndërpriten në asnjë moment.
Mesditën e sotme ra në prangat e policisë një mjek tek spitali i Traumës, Fitim Marku.
Marku dyshohet të jetë kapur në flagrancë brenda ambienteve të spitalit duke marrë ryshfet nga pacientët. Shuma nuk është e konfirmuar, ndërkohë që hetimet vijojnë.
Në ambientet e Spitalit të Traumës ndodhen ende efektivë civilë të policisë, të cilët po bëjnë sekuestrimin e disa prej kartelave të pacientëve dhe regjistrin e mjekut.
LEXONI GJITHASHTU:
- Pritet të arrestohen mjekë të tjerë të Spitalit të Traumës
- Mjeku i arrestuar te trauma u kap në flagrancë duke marrë ryshfet
- EMRI| Kush është mjeku që u arrestua te Trauma?
