Arrestohen tre personat që dhunuan efektivët në Vlorë, në kërkim bashkëpunëtorët

Tre persona të shpallur në kërkim janë arrestuar këtë të mërkurë nga policia e Vlorës, pasi kundërshtuan me dhunë punonjësit e policisë.

Ngjarja ndodhi gjatë një operacioni për goditjen e rasteve të shitjes së lëndëve narkotike gjatë kontrolleve në “Plazhin e Delisufit” ditën e hënë.

Gjatë këtij kontrolli, punonjësit e Policisë janë përballur me një reagim të dhunshëm nga tre persona, një shqiptar dhe dy miqtë e tij maroken dhe italian.

Policia njofton se janë arrestuar shtetasit:

D., shtetas shqiptar, banues në Itali;
M. B., shtetas maroken, banues në Itali;
M. M., shtetas italian, banues në Itali;

Policia e Vlorës njofton gjithashtu se është bërë i mundur identifikimi dhe shpallja në kërkim e 3 shtetasve të tjerë të përfshirë në këtë rast, konkretisht:

– A. M., lindur në Kavajë dhe banues në Itali;

– S. P., lindur dhe banues në Sarandë;

– A. E., lindur në Kosovë dhe banues në Itali.

Materialet procedurale i kaluan Prokurorisë, për veprime të mëtejshme.