Një efektiv policie në shërbim është aksidentuar në Tiranë gjatë orëve të para të mëngjesit të së enjtes nga një 21-vjeçar i cili është vënë nën prangat e policisë.

“Aksidenti ka ndodhur në rrugën “Xhanfize Keko” rreth orës 01:00 ndërsa i riu me iniciale R. B., është arrestuar nga Policia e Tiranës. Efektivi 30-vjeçar me iniciale S. Sh., ndodhet në spital nën kujdesin e mjekëve”, thuhet në njoftimin e policisë.

Gjithashtu Policia e Tiranës njofton se;

“Po nga ky sektor u arresuan shtetasitN.B, 41 vjeç, në Qafë-Kashar, pasi dyshohet se duke drejtuar mjetin në gjendje të dehur, ka humbur kontrollin e tij dhe është përplasur me bordurën anësore të rrugës.

A.G, 19 vjeç, pasi u konstatua duke drejtuar mjetin pa lejen përkatëse;

F.M, 63 vjeç, pasi dyshohet se duke drejtuar mjetin në gjendje të dehur, është përfshirë në një përplasje me dëme materiale.

Komisariati i Policisë Nr.5, kapi dhe ndaloi shtetasin e shpallur në kërkim R.Sh, 31 vjeç, pasi Gjykata e Shkallës së Parë të Juridiksionit të Përgjithshëm Tiranë, ka caktuar masën e sigurisë “Arrest në burg”, për veprën penale “Kultivim i bimëve narkotike”.

Specialistët për Hetimin e Narkotikëve arrestuan në flagrancë shtetasin B.Sh, 20 vjeç, pasi në Yrshek, nga kontrolli fizik të ushtruar ndaj këtij shtetas, sherbimet e Forcës “Shqiponja” gjetën dhe sekuestruan lëndë të dyshuar narkotike kanabis”. thuhet në njoftimi ne Policisë së Tiranës.

Materialet i kaluan Prokurorisë, për veprime të mëtejshme.

LEXONI GJITHASHTU:

• Shiste lëndë piroteknike të llojeve të ndryshme, procedohet 46-vjeçari në Tiranë
• Kryebashkiaku i Tiranës Erion Veliaj paraqitet në SPAK