Arrestohet 31-vjeçari që transportonte emigrantë të paligjshëm

Një 31-vjeçar është vënë në pranga nga policia këtë të hënë, në kuadër të finalizimit të operacionit të koduar “Tranzit 26”.

Shtetasi E. U., banues në Shkodër u kap në flagrancë në afërsi të Casa Italia-s në kryeqytet, duke transportuar me një automjet, 6 emigrantë të paligjshëm.

Emigrantët do të transportoheshin kundrejt pagesës për në Mal të Zi, me destinasion final vendet e Bashkimit Evropian.

Në vijim të veprimeve u proceduan penalisht 6 emigrantët e paligjshëm, për veprën penale “Kalimi i paligjshëm i kufirit shtetëror”.

Materialet procedurale i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme.

LEXONI GJITHASHTU

• Arrestohet 29-vjeçari që kanosi me armë xhaxhain pas konfliktit për pronën
• 49 të arrestuar për trafikun ndërkombëtar të ngjalave, aksion edhe në Shqipëri
• Atentati ndaj Joan Muçllarit, flet babai i një prej të arrestuarve