Policia e Tiranës ka përfunduar me sukses operacionin policor të koduar “Cases”, që synonte goditjen e veprimtarisë kriminale në fushën e vjedhjes së pasurisë.

Gjatë këtij operacioni, është zbuluar dhe dokumentuar përfshirja e një 32-vjeçari në 16 raste vjedhjesh në biznese të ndryshme.

I arrestuari dyshohet se ka përvetësuar shuma të konsiderueshme parash përmes aktiviteteve të tij kriminale.

Njoftim i policisë:

Finalizohet nga Komisariati i Policisë Nr. 1, operacioni policor i koduar “Cases”, për goditjen e veprimtarisë kriminale në fushën e vjedhjes së pasurisë dhe për vënien e autorëve përpara përgjegjësisë penale.

Zbardhen dhe dokumentohen 16 raste vjedhjesh, në disa biznese të ndryshme. Arrestohet një 32-vjeçar, autor i dyshuar.

Shërbimet e Komisariatit të Policisë Nr. 1, në vijim të punës për goditjen e veprimtarisë kriminale në fushën e vjedhjes së pasurisë, si rezultat i administrimit të menjëhershëm të kallëzimeve të disa qytetarëve, për vjedhje në subjekte të ndryshme, me mbështetjen e inteligjencës policore, kanë organizuar dhe finalizuar operacionin policor të koduar “Cases”.

Gjatë operacionit u arrestua shtetasi E. Gj., 32 vjeç, banues në Tiranë.

Nga veprimet hetimore të kryera, dyshohet se ky shtetas është autor i 16 rasteve të vjedhjes së shumave të parave në disa biznese në Tiranë.

Materialet i kaluan Prokurorisë.

LEXONI GJITHASHTU:

• Angli| Zbulohen detaje rreth vjedhjes së djathit në vlerë prej 350 mijë eurosh
• Emrat| Zbardhet vjedhja e kasafortës në marketin në Tiranë, arrestohen 2 të rinjtë