Arrestohet 38-vjeçari në Kamëz, kërcënoi se do qëllonte me armë policinë

Një 38-vjeçar është arrestuar nga policia e Kamzës pasi ka qëlluar me armë zjarri në ajër dhe më pas ka kërcënuar se do të qëllojë edhe ndaj policisë.

Fehta Jata është vënë në pranga nga komisariati i policisë nr.5 pas denoncimit nga qytetarët për të shtëna me armë zjarri në Kamëz.

“Shërbimet e policisë janë afruar në banesën në të cilën dyshohej se fshihej personi me armë dhe i kanë bërë thirrje që të hapte derën dhe t’i bindej kontrollit të Policisë. 38-vjeçari nuk i është bindur thirrjes së Policisë, por ka mbyllur derën dhe ka kërcënuar se do qëllonte në drejtim të punonjësve të Policisë”, sqaron policia.

Në vendngjarje u sekuestrua një armë zjarri kallashnikov, dy karikatorë me fishekë luftarak dhe 11 gëzhoja.

LEXONI GJITHASHTU:

• Arrestohet një person në Korçë, kapet me 3 mina me telekomandë
• Vodhi 8 banesa në Tiranë me çelës kopje, arrestohet 21-vjeçari