Transportonte emigrantë të paligjshëm, arrestohet 48-vjeçari nga Lushnja

Policia e Lushnjës ka arrestuar një 48-vjeçar i cili ishte shpallur në kërkim për dhënie ndihme për kalim të paligjshëm të kufirit me qëllim përfitimin.

Arrestimi i A. Gj., 48 vjeç, banues në Lushnjë është bërë në kuadër të operacionit të koduar “Rrjeta” të zhvilluar nga policia e Shkodrës një ditë më parë.

“Ky shtetas dhe 2 të tjerë (njëri i arrestuar gjatë operacionit dhe tjetri ende në kërkim), në fshatin Vukpalaj, Kastrat, zbritën nga 3 automjete, 16 emigrantë që po transportoheshin drejt Malit të Zi, me qëllim kalimin e paligjshëm të kufirit, drejt vendeve të BE-së”, sqaroi policia.

LEXONI GJITHASHTU:

• “Të dëbojmë emigrantët që të fitojmë”, Braverman: Jemi në fije të perit!
• Akovati sqaron emigrantët e ligjshëm! Ja çfarë duhet të bëjnë