Arrestohet drejtuesi i Prokurorisë së Vlorës, Aurel Zarka

Drejtuesi i prokurorisë së Vlorës, Aurel Zarka, është vënë në pranga me urdhër të Prokurorisë së Posaçme kundër korrupsionit dhe krimit të organizuar.

Krahas kryeprokurorit të qytetit bregdetar urdhër-arresti është lëshuar edhe për 3 persona të tjerë, mes të cilëve Eriona Daupaj ish-oficere e Byrosë Kombetare të Hetimet, aktualisht kandidate për magjiststrate në profilin gjyqtare, avokatin Radovan Çela dhe biznesmenin Astrit Vladi.

Mësohet se Zarka është ndaluar në qytetin e Vlorës dhe më pas është transferuar në drejtorinë e policisë në Tiranë.

Sipas informacioneve paraprake mësohet se ky hetim ka nisur pas zbulimit të traskriptimit të komunikimeve në aplikacionin SKY, SPAK nuk ka dalë ende me një njoftim zyrtar, ndërsa mësohet paraprakisht se ndaj Aurel Zarkës rëndon akuza e “Ushtrimit të ndikimit të paligjshëm dhe shpërdorimit të detyrës”.

Ky i fundit vetëm 1 muaj më parë kaloi vetingun duke u konfirmuar në detyrë nga komisioni i pavarur i kualifikimit ndërsa për 3 personat e tjerë deri ne mesditë nuk u bë i mundur ekzekutimi i masave të sigurisë lëshuar nga GJKKO me kërkesë të SPAK.

LEXONI GJITHASHTU:

• Ish-drejtuesi i policisë Erzen Breçani në SPAK, pritet t’i komunikohet akuza
• Goditja e grupit kriminal, SPAK: Merrnin 45 mijë $ për të çuar 1 emigrant në SHBA