Arrestohet Gert Shehu, dy akuzat që rëndojnë mbi 31-vjeçarin

Policia e Shtetit ka njoftuar se ka arrestuar 31-vjeçarin Gert Shehu, i cili një ditë më parë goditi me grusht në fytyrë kreun e PD-së Sali Berisha.

Sipas policisë mbi Shehun rëndojnë dy akuzat: goditje për shkak të detyrës dhe plagosje me dashje.

Njoftimi i Policisë:

Strukturat e posaçme të Policisë Gjyqësore të Policisë së Shtetit, në bashkëpunim me specialistët e Seksionit për Hetimin e Krimeve ndaj Jetës, të DVP Tiranë, dhe me shërbimet e Komisariatit të Policisë Nr. 1, pas kryerjes së një sërë veprimesh hetimore dhe procedurale, nën drejtimin e Prokurorisë pranë Gjykatës së Rrethit Gjyqësor Tiranë, për ngjarjen e ndodhur më datë 06.12.2022, arrestuan në flagrancë shtetasin:

Gert Shehu, 31 vjeç, banues në Tiranë, për goditje për shkak të detyrës dhe plagosje me dashje.

Nga veprimet hetimore ka rezultuar se ky shtetas ka goditur me grusht në fytyrë, deputetin Sali Berisha, duke i shkaktuar dëmtime fizike, gjatë kohës që ai po lëvizte me këmbë, në bulevardin Zhan D’Ark, në drejtim të vendit ku do të zhvillohej protesta e planifikuar.

Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme.

LEXONI GJITHASHTU:

• PD: Policia po fsheh të vërtetën për sulmin. PL: Drejtësia larg urdhrave të Ramës
• “Këta janë monstra”, përplasje dhe akuza mes Balliut dhe Meçes
• Kush e nxori kartelën? Analisti Meçe debat me Balliun për sulmin e Berishës