Arrestohet i “forti” i Sukthit, zbulohet plani për vrasje me ish-shefin e policisë

Në sajë të informacioneve të marra nga zbërthimi i aplikacionit SKY ECC, SPAK ka zbuluar një tjetër tentativë vrasjeje, ku i përfshirë është ish-shefi i krimeve të Komisariatit nr. 6, Dedan Gjoni, i arrestuar për të njëjtën vepër penale në një rast tjetër.

Bëhet me dije se SPAK ka lëshuar 4 urdhërarreste në lidhje me këtë krim, mes të cilëve është dhe një personazh i njohur i botës së krimit në Shijak, Rexhep Arapi, i njohur si “Kep Arapi”.

Gjatë kohës që Gjoni ka qenë me detyrë më Komisariatin e Shijakut dyshohet se ka bashkëpunuar me grupin kriminal të Kep Arapit, për të vrarë një person.

Nga provat e mbledhura deri tani, urdhri i krimit është dhënë nga Holanda. Nga hetimet ka rezultuar se ish-efektivi ka thirrur në Komisariat objektivin, u ka thënë autorëve që çfarë ore do e lironte si dhe u ka nisur foto të tij. Autorët më pas janë tërhequr dhe krimi fatmirësisht nuk ndodhi.

Euronews Albania mëson se personi i cili po përgatitej të ekzekutohej ka inicialet XH.P.

LEXONI GJITHASHTU:

• Zbërthimi i SKY zbulon tjetër tentativë vrasjeje, i përfshirë ish-shefi i krimeve
• Zbërthimi i SKY, 120 të pandehur para gjykatës në Belgjikë, mes tyre shumë shqiptarë