Arrestohet për dhunë në familje, drejtori i burgut të Fushë-Krujës

Kreu i burgut të Fushë-Krujës është vënë në pranga me akuzën e dhunës në familje dhe armëmbajtjes pa leje.

Përmes një njoftimi të policisë së Pogradecit bëhet me dije se u arrestua në flagranë Durim Troka, banues në fshatin Piskupat, Pogradec, pasi dyshohet se ka ushtruar dhunë ndaj bashkëshortes së tij, e cila u pajis me urdhër mbrojtjeje.

Gjatë kontrollit të ushtruar në banesën e tij iu gjet një armë zjarri tip pistoletë me municion luftarak, të cilën 52-vjeçari e posedonte pa leje.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.