Arrihet akordi me Isak, Liverpool drejt zyrtarizimit të sulmuesit suedez

Aleksander Isak është blerja e radhës e kampionëve të Anglisë, Liverpool me palët të cilat kanë arritur akordin. Sulmuesi do të nënshkruajë një kontratë 5-vjeçare me skuadrën e udhëhequr nga Arne Slot, ndërsa kjo cilësohet një tjetër goditje e madhe pas Ekitike e Wirtz. Përgjatë kësaj të marte është zhvilluar një tjetër takim mes drejtuesve të të dyja skuadrave si dhe përfaqësues të futbollistit, ku thuhet se është gjetur gjuha e përbashkët për largimin e tij.

Newcastle më herët deklaroi se nuk dëshironte që shtatlarti të braktiste skuadrën, por Isak nuk pranoi të paraqitej në stërvitje, duke i bërë me dije dhe trajnerit Howe se kërkonte një aventurë tjetër. Këmbëngulja e Liverpool bëri që vetë lojtari të shfaqte dëshirën për tu larguar, sidomos kur flasim për një ekip ndër më të mëdhenjtë në ishull e më tej në gjithë kontinentin e vjetër.

Vlera e cila do të paguhet nga gjigantët e Premier League nuk bëhet me dije, por pritet të jetë më e larta në këtë merkato verore, duke shkuar më tepër se 130 milionë euro, të cilat shkojnë në arkat e qymyrxhinjve, duke e bërë këtë dhe shitjen më të madhe në historinë e klubit. Liverpool me këtë lëvizje është ekipi që ka shpenzuar më së tepërmi këtë verë edhe pse merkato nuk ka përfunduar, por llogaritet afro 400 milionë euro.

LEXONI GJITHASHTU:

• Juventus sfidon Milanin: Xhaka, një “trofe” që duhet fituar
• Milani i mahnitur nga Ardon Jashari, i ofrojnë 27 mln euro Club Brugge