Arrihet marrëveshja, austronauti i SHBA do dërgohet edhe në një fluturim tjetër rus

Autoritetet hapësinore të Rusisë dhe Shteteve të Bashkuara kanë arritur marrëveshje për ta dërguar edhe një herë një astronaut amerikan në Stacionin Hapësinor Ndërkombëtar përmes anijes kozmike ruse, Soyuz MS, raportoi agjencia e lajmeve Interfax të premten.

Kjo është një shenjë e rrallë e bashkëpunimit dypalësh mes tyre në një kohë kur tensionet janë të larta, për shkak të luftës në Ukrainë.

Fluturimi është pjesë e një marrëveshjeje mes Agjencisë Hapësinore të Rusisë, Roskosmos, dhe NASA-s në Shtetet e Bashkuara, për fluturime në Stacionin Hapësinor Ndërkombëtar (SHI).

“Njëri nga amerikanët është lënë në bord për dy misionet. Ne e kemi shtuar një tjetër fluturim për ta kompensuar kohën e kaluar në stacion”, tha për Interfax Sergei Krikalev, drejtor ekzekutiv i korporatës shtetërore të programeve hapësinore ruse.

LEXONI GJITHASHTU:

• “Faleminderit Shqipëri”, grekët e zonave të prekura nga zjarri bëjnë “shqiponjën”
• Hodhën mbeturina nga dritarja e makinës, “e pësojnë keq” shoferët