Artistët kundër censurës: Të ndalim mafien në pushtet, jo artin

Propozimi i Partisë Demokratike për ndëshkimin e regjimit komunist nuk po gjen mbështetje në rrethin e artistëve. Shumë prej tyre thonë se po gabohet me mendësinë për të censuruar historinë, duke kërkuar rishikimin e projektligjit.

Nuk mundet të censurohet historia në realitetin dhe propogandën që ka prodhuar. Ky është qëndrimi i përbashkët i njerëzve merren direkt apo indirekt më artin në vend.

“ Së pari jam kundër çdo lloj censure. Kjo është të ndërtosh kapitalizmin me metoda komuniste”- tha Budina.

“Është pjesë e historisë”- shprehet Frederik Ndoci.

“Është histori kjo, është propagandistike. Ajo nuk keqinformon shoqërinë.”- tha Robert Aliaj.

Për të ftuarit në emisionin  “Now, debati për ndalimin e simboleve komuniste duhet të shqyrtohet në forma të tjera, si hapja e dosjeve apo pastrimi i politikës së sotme.

“Një politikë e moderuar që jeton në postkominizëm duhet patjetër të reflektonte në një qasje të re”- nënvizoi Ardian Isufi

“Nëpërmjet këtij debati ne mund të zbardhim shumë pjesë nga e kaluara”-thekson Ergys Mërtiri.

“Problem për shoqërinë shqiptare është të pastrohet politika.”- tha Robert Aliaj.

Nisma e Partisë Demokratike ka për qëllim të ndalojë me ligj artin e realizimit socialist, përfshi edhe ndërrimin e emrave të rrugëve me heronjtë e kohës së luftës dhe shkatërrimin e lapidarëve.

LEXONI GJITHASHTU: 

• Frederik Ndoci: Injoranca po bëhet monument, rinia e paedukuar
• ‘Shporruni vetë dhe jo filmat’, Robert Aliaj mesazh politikës
• Edmond Budina: Të heqim mafien në pushtet dhe jo filmat e komunizmit