Artizanët kërkojnë mbështetje, produktet e punuara me dorë tërheqin turistët

Zhvillimi i artizanatit, zejtarisë dhe produkteve karakteristike në Gjirokastër tashmë është një nxitës i rëndësishëm për turizmin. Përgjatë vizitës në qytetin e gurtë dhe rrethinat e tij, vizitorët vendas dhe të huaj marrin si kujtim suvenire të punuara në gur, dru dhe tekstil tradicional.

Për të zgjeruar aktivitetin dhe realizuar produkte cilësore mjeshtrit artizanë kërkojnë mbështetje, e cila do të mundësonte ruajtjen e traditës dhe tërheqjen e turistëve.

“Pjesë e traditës është edhe artizanati duke filluar nga zejet e vjetra që kanë bërë gjithë qytetin në tërësi, duke filluar me kovaçin, me drugdhendësin me gurgdhendësin, me tezgjahun, me kostumet popullore e me radhë dhe po lind e domosdoshme tashmë që në ekonominë e lirë të tregut, në hyrjen e mallrave nga importi ne duhet të ruajmë atë që quajmë pjesën autoktone, vendase”, thotë Viktor Nurçe, drugdhendës

“Mbështetja na duhet dhe është dhënë, kuptohet brenda mundësive, ndikon dh është e rëndësishme. Nga ana tjetër edhe ne përmirësojmë produktin duke pasur në një farë mënyre edhe konsulencën e tyre, përmirësojmë produktin, nuk dalim nga natyra çfarë të ofron Gjirokastra dhe çfarë gjejmë në Gjirokastër”, shprehet Eli Zhulati, qëndistare.

Aktualisht, në zonën historike të Gjirokastër ushtrojnë aktivitetin rreth 40 qendra artizanati, të cilat kanë lehtësira fiskale. Në vazhdimësi synohet mbështetja e tyre me financime nga pushteti vendor dhe Ministria e Kulturës.

LEXONI GJITHASHTU:

• Muzeu i armëve në Gjirokastër, 10 mijë turistë në 2022-shin
• Muzeu i “Luftës së Ftohtë” në Gjirokastër, mijëra turistë e vizituan gjatë 2022-shit