Jude Bellingham prej muajsh vijon të jetë lojtarë me vlerësn më të lartë në botën e futbollit, konkretisht 180 milionë euro. Mosha e re, 20 vjeç ka bërë që ai të renditet përpara dyshes Mbappe-Haaland edhe pse po ashtu secili prej tyre vlen 180 milionë euro. Transfertmarket ka publikuar listën me lojtarët më të vlefshëm në futboll, ndërsa në pesëshe ka vend dhe për Vinicius Jr e Saka.
Në një vështrim të shpejt në faqen e cila merret me vlerësimet e lojtarëve, skuadrave, kombëtareve apo dhe statistika të tjera, vijon të jetë i publikuar dhe formacioni më i shtrenjtë. Ku në portë qëndron gardiani i Porto Costa, ndërsa në mbrojtje Mendes, Saliba, Dias dhe Alexander Arnold. Rodri e Rice para tyre e më tej Vini Jr, Bellingham e Saka, në majë ne sulmit Mbappe. Kjo 11-she vlen plot 1.2 mld euro.
Ajo cka bie në sy është rënia evazhdueshme e ikonave të dy dekadave të fundit, Messi Ronaldo. Portugezi është në pikën më të ulët të karrierës, ku edhe pse ka shënuar vazhdimisht me Al Nassr, vlen vetëm 15 milionë euro. Në anën tjetër, kampioni i botës që luan me Inter Miamin vlen dyfish, 30 milionë euro, por sërish vlerë shumë e ulët në krahasim me çka jemi mësuar. Kjo tregon dhe një herë tjetër që karriera e tyre po shkon drej fundit, edhe pse tifozët e futbollit nuk janë ende gati.
LEXONI GJITHASHTU:
- Ronaldo atleti më i paguar për vitin 2023, ndiqet nga Messi në vend të dytë
- Ronaldo në kërkim të parave, portugezi në tjetër gjyq me Juventus për 19.5 mln euro
