Asllani larg Interit, nuk preferohet nga Inzaghi, zikaltrit zyrtarizojnë Pavard

Kritikat e shumta dhe kërkesa e llogarisë se pse Asllani nuk luan, duket se nuk kanë luajtur asnjë rol për të ndryshuar sadopak mendimin e Simone Inzaghit.

Trajneri zikaltër i ka dhënë përfundimisht dorën 21-vjeçarit, duke i bërë të ditur që nuk është në plan për sezonin e ri. Në këtë situatë, mesfushori elbasanas është vënë në kërkim të një skuadre të re ku do të ketë minutazh, ndërsa alternative kryesore është Sassuolo.

Sipas asaj që raportojnë mediat italiane, mes klubeve është arritur akordi, me shumë gjasa dhe me lojtarin i cili ndihet i pakënaqur në Milano. Në këtë pikë, Inzaghi po kërkon për një mefushor me fizik të veçantë, e Ndombele shihet si alternativë, ndërsa kanë nisur bisedimet me Tottenhamin. Gravenberch po ashtu është një tjetër alternativë, duke shtuar këtu se marrëdhëniet mes zikaltërve dhe Bayernit janë shumë të mira.

Këtë gjë e konfirmoi dhe transferimi i fundit drejt Milanos, ai i Benjamin Pavard. Mbrojtësi francez kreu vizitat mjekësore, ndërsa është gati për të nisur aventurën e tij me Interin. 27-vjeçari nënshkroi një kontratë 5-vjeçare, ndërsa i ushtoi klubit 32 milionë euro. Konkurrenca në skuadër pritet të jetë e madhe, ndërsa nuk përjashtohet ndonjë largim në limitet e merkatos verore.

LEXONI GJITHASHTU:

• Interi mposht Cagliarin, Lautaro shënon sërish, zikaltrit ngjiten në vendin e dytë
• Verratti drejt Al Ahli, Olmo refuzon Man Cityn, Pavard edhe më pranë Interit