Asnjë lule për 8 Mars, 72-vjeçarja Bajame Bekolli jeton e vetme mes varfërisë

Jo të gjitha gratë këtë 8 mars morën lule. I tillë është edhe rasti i një 72 vjeçareje nga Bulgareci i Korçës e cila jeton e vetme dhe në kushte të vështira ekonomike.

E vetme, pa ujë e drita në shtëpi, me shoqërues vetëm një kostum, pa lule për 8 Mars, pa dhuratë e me lotët që i thahen në fytyrë çdo ditë kjo është Bajame Bekolli, 72 vjeçarja në Bulgarec të Korçës.

“Asnjë gjë. Nuk u kujtuan fare sivjet, hiç. Erdhi çupa me duarthatë të sillte një lule të vogël, na me mama për 8 Mars, hiç”,-tha Bajame Bekolli.

Varfëria është ulur këmbëkryq, pothuajse migjeniane në këtë shtëpi, e vakti që sot në festën e grave e shoqëroi Bajamen ishte buka me presh.

“Këtë kam unë, mëngjes drekë presh. Nuk kam asgjë mor bir, ja kështu rroj me të keq, ja me vjen ajo plaka rrimë një orë. 7 mijë lek pension marr, ja buke e mora. Kam borxhe, kam gjithë ato lek për te paguar. Dritat mi kanë prerë, ujë mi prenë, nuk kam ku ti paguaj. Ku ti gjej leket? Me mire te hidhem në kanal të mbytem sesa të rroj kështu “.

Me vetëm 7 mijë lek, jeta për Bajamen është tejet e vështirë. Gjithçka kërkon nga jeta është shëndeti, pasi është mësuar me barkun thatë.

“Keq shumë. Buka duhet, dritat duhen, qumështi duhet, jam plake po nuk kam një pikë qumësht. Hahet buke me presh? Bota nuk e shohin në ëndërr, e ha meze preshin, unë e ha buke. Ajo plaka me solli buke sot. Unë asgjë nuk dua, vetëm të jem mirë, buke ha ndonjë kafshore. Vetëm të jem mirë, asgjë nuk dua. Të jetoj e ca kohe “

Sot, vetëm 3 km larg qytetit të Korçës, një grua, një nënë, një e moshuar, nuk mori urim për 8 Mars. Me sytë teksa largohemi, e me mendjen se nesër, vallë, a do të ketë të hajë buke me presh.

LEXONI GJITHASHTU:

• Snajperistet ukrainase, si luftëtaret femra po bëjnë rrugë në Forcat e Armatosura
• Momenti i Ngannou-Joshua në boks, luftëtari i UFC sfidon ish-kampionin e botës