Asnjë ndikim nga largimi i Newey’t

Drejtori Teknik i Red Bull, Pierre Wache sqaroi se departamenti i dizajnit në Milton Keynes mbetet i përqëndruar maksimalisht në sezonin aktual, pavarësisht lajmit për largimin e Adrian Newey’t. Ka kaluar dicka më shumë se një muaj nga lajmi që dizajneri legjendar do të largohet në fillim të vitit 2025 nga Red Bull. Duke lënë një trashëgimi të pasur me 13 tituj në të dy klasifikimet, atë për pilotë dhe për konstruktorë.

Ndërkohë që Newey dha dorëheqjen nga departamenti që drejtonte prej vitesh për tu përkushtuar në ndërtimin e Hipermakinës RB17, Wache shpjegon se asgjë nuk ka ndryshuar në ambjentin e kampionëve në fuqi. Aktualisht Red Bull dhe divizioni i ndërtimit të makinës është duke punuar me amerikanët e Ford për realizimin e motorrit të brezit të ri që do të përdoren nga të dyja skuadrat, Red dhe Racing Bull për periudhën nga viti 2026 deri në atë 2030.

LEXONI GJITHASHTU:

• Leclerc mund Piastri-Sainz për pole position në Monaco
• Ferrari nuk po punon për Hamilton, kampionët e shumëfishtë mendojnë për 2024