Asnjë përgjigje nga Putin për armëpushim, Zelensky: Rusia kërkon të zgjasë luftën!

Presidenti i Ukrainës, Volodymyr Zelensky, ka deklaruar se bota ende nuk ka dëgjuar një përgjigje të plotë nga Rusia për propozimin e përkohshëm të armëpushimit.

Presidenti ukrainas thotë në mediat sociale se kjo tregon se Rusia kërkon të zgjasë luftën dhe të shtyjë paqen për aq kohë sa të jetë e mundur.

“Ne shpresojmë që presioni i SHBA-së do të jetë i mjaftueshëm për ta detyruar Rusinë t’i japë fund luftës,” thotë ai.

Zelensky shton se ekipi i tij është “i përgatitur të vazhdojë të punojë në mënyrë konstruktive me të gjithë partnerët në Amerikë, Evropë dhe pjesë të tjera të botës, të cilët janë të përkushtuar për të afruar paqen”.

LEXONI GJITHASHTU:

• Rusia synon të mbajë kontrollin e territoreve të pushtuara ukrainase
• Forcat ruse rimarrin kontrollin e disa zonave në rajonin e Kurskut