Avokati Genc Gjokutaj tha në konferencën e mbajtur nga Partia e Lirisë pas kreut Ilir Meta, se arrestimi i ish-Presidentit Meta është arrestim politik. Ai tha se çështja e CEZ DIAS për të cilën akuzohet Meta është hetuar më parë e nuk ka asnjë provë që të implikojë zotin Ilir Meta.

“Goditja e parë zotit Meta i është dhënë kur donin ta shkarkonin si President. Sot e arrestuan për CEZ DIAN, për të cilën Meta i ka dhënë të gjitha shpjegimet. Një çështje e gjykuar nga një denoncues, i cili ka dhënë ose dëshmi të rreme ose ka bërë kallëzim të rremë dhe para Gjykatës e Para SPAK nuk ka qenë identik në rrëfimin e tij, e megjithatë në të dyja rastet Meta nuk implikohet. Kjo është goditje politike dhe kjo është në dritë të diellit.

Zoti Altin Dumani ka konflikt interesi me këtë çështje, pasi e ka gjykuar edhe më parë. Ai nuk mund të jetë hetuesi i kësaj çështje. Pastaj çfarë ka ndryshuar në këto 5 vite? Se rrezikshmëria nuk vjen duke u shtuar. Meta është thirrur 3-4 herë në SPAK. Këta nuk e tregojnë çfarë qëndron pas këtij arresti. Ne kemi të bëjmë me një strukturë e cila duhet të ishte ligjore. Këtu sistemi i drejtësisë ka rënë”,-tha Gjokutaj.

LEXONI GJITHASHTU:

• “Arrestimi i Metës është politik”, Gjokutaj: Vendim i formuar nga dyshja Rama-Dumani
• “Metën ta linin të vetëdorëzohej!” Curri: Ish-Presidenti s’duhej arrestuar në rrugë