“Metën ta linin të vetëdorëzohej!” Curri: Ish-Presidenti s’duhej arrestuar në rrugë

Analisti Arjan Curri ishte këtë të hënë i ftuar në Euronews Albania ku tha se momenti i arrestimit të ish-presidentit të Shqipërisë Ilir Meta është një lajm shumë i trishtueshëm për respektimin e të drejtave të njeriut.

Ai tha se arrestimi i tij është bërë në një mënyrë sikur Meta të ishte duke u arrestuar, ndërkohë që një rrezik i tillë nuk ekzistonte. Curri tha se njeriu duhet të ketë dinjitet edhe në momentin e arrestimit edhe dënimit, ndërsa shtoi se një arrestim i tillë duket më tepër të jetë një inat personal i titullarit të SPAK, i cili sipas currit duket se nuk i ka duruar dot më fyerjet që i janë bërë nga ish-presidenti Meta.

“Kur ish-kriminelëve apo njerëzve të kërkuar ndërkombëtarisht u jepet mundësia të vijnë vetë apo të shoqërohen me eskortë policore, zotit Meta i duhej dhënë mundësia e vetëdorëzimit. Këto pamje kënaqin turmat dhe asgjë tjetër. Këto nuk i shërbejnë imazheve të një shteti serioz.

Për mua është një moment dhe një lajm shumë i trishtueshëm për respektimin e të drejtave të njeriut. Njeriu duhet të ketë dinjitet edhe kur burgoset edhe kur dënohet dhe kur gjykohet. Nuk ka pasur tentativë arratisje.

Ajo aty është sikur do arratisej Meta dhe këta kanë shkuar e kanë kapur aty. Për mua është inat i nxjerrë nga një titullarë i SPAK-ut i cili prej muajsh të tërë nuk i ka duruar fyerjet që i ka bërë Ilir Meta dhe këtë moment që ka patur në dorë për të bërë këtë lloj arrestimi e ka bërë. Një titullar ka SPAK-u pse t’ia bëjmë nderin e ti përmendim emrin, se këta të hedhin në gjyq për shpifje”,-tha Curri.

Analisti Curri tha gjithashtu se ai e kishte parashikuar këtë arrestim që në muajin qershor.

LEXONI GJITHASHTU:

• Zbardhen dy emrat nën akuzë bashkë me Metën dhe Kryemadhin
• I rrethuar nga agjentët e maskuar, momenti kur Meta nxirret me forcë nga makina