Asnjë rrugë e bllokuar në vend nga moti i keq

Nuk ka asnjë rrugë të bllokuar në vend, për shkak të motit të keq.

Kështu deklaroi drejtori i ARRSH-së, Evis Berberi, i cili tha se ky institucion ka marrë që më herët të gjitha masat e nevojshme.

“Në terren janë mbi 100 borëpastruese, janë 390 mjete ndihmëse dhe mbi 800 punonjës të mirëmbajtës”, u shpreh ai për emisionin “Mirëmëngjes” në Euronews Albania.

Drejtori i ARRSH-së tha se zonat më problematike janë në veri dhe verilindje të vendit, si dhe në Librazhd.

“Këtë herë patëm probleme të mëdha me ngricat sesa me prezencën e dëborës. Akset me problematike kanë qenë në veri dhe verilindje dhe zonat e thella në Librazhd”, u shpreh ai.

Z. Berberi bëri thirrje që qytetarët të përdorin goma dimërore dhe zinxhirë se janë të nevojshme edhe pas kriposjes së rrugëve.

LEXONI GJITHASHTU:

• Të gjitha akset rrugore të kalueshme, pavarësisht motit të keq