Atentat me 6 të vdekur në Kaliforni

Të paktën 6 persona kanë humbur jetën dhe 9 të tjerë janë plagosur nga të shtënat në qytetin Sacramento në Kaliforni të SHBA-së.

Sipas policisë ngjarja ndodhi pak pas orës 02:00 me orën lokale, në një zone tregtare të mbushur me restorante dhe bare.

Disa dëshmitarë deklaruan se bëhej fjalë një burrë në një makinë i cili hapi zjarr ndaj turmës pranë restorantit “El Santo” para se të largohej.

Video të postuara në mediat sociale tregojnë panikun e turmës që po largohet duke kërkuar shpëtim, teksa dëgjohet një varg të shtënash me armë zjarri.

Policia nuk dha detaje të menjëhershme se kush mund të ketë qenë pas kësaj ngjarjeje.