Atentati| Donald Trump: Supozohet të kem vdekur, më shpëtoi fati ose Zoti

Ish-presidenti i SHBA-ve, Donald Trump ka thënë se ai “supozohet të jetë i vdekur” pas atentatit të së shtunës mbrëma në një tubim në Pensilvani.

Sipas mediave të huaja, në një nga intervistat e tij të para që nga incidenti, Trump u tha mediave konservatore amerikane se ndjente se ishte shpëtuar “nga fati ose nga Zoti”.

“Gjëja më e pabesueshme ishte se më ndodhi që jo vetëm të ktheja [kokën time], por edhe të kthehesha në kohën e duhur dhe në masën e duhur”, tha ai, duke shtuar se plumbi që i goditi veshin mund ta kishte vrarë lehtësisht.

“Unë supozohet të kem vdekur, nuk duhet të jem këtu,” tha ai.

Nga sulmi mbeti i vrarë një simpatizant, ndërsa dy persona të tjerë u plagosën rëndë. Personi i armatosur, i cili gjithashtu vdiq, është quajtur Thomas Matthew Crooks.

Trump përshkroi momentin kur ngriti sytë nga turma pasi kuptoi se ishte qëlluar.

“Energjia që vinte nga njerëzit atje në atë moment, ata thjesht qëndruan aty. Është e vështirë të përshkruash se si ndihej, por e dija se bota po shikonte”, tha Trump.

“E dija se historia do ta gjykonte këtë dhe e dija se duhej t’u bëja të ditur se jemi mirë,” i tha ai Washington Examiner.

Duke folur teksa përgatitej të hipte në një fluturim për në Konventën e ardhshme Kombëtare Republikane (RNC) në Milwaukee, Wisconsin, ku pritet të konfirmohet si kandidati i Partisë Republikane për president, Trump tha se tani kishte një “shans për të bashkuar vendin”.

LEXONI GJITHASHTU:

• Atentati ndaj tij, Trump zotohet se do t’i bashkojë amerikanët
• “Ishte i mirë”- Flet shoku i klasës së atentatorit të Trump: Dua të di pse e bëri