Policia ka sekuestruar armën dhe makinën e përdorur nga autorët në atentatin e dështuar me armë zjarri ndaj dy personave në lagjen “Donika Kastrioti” në Berat ndërsa në një njoftim të ri thuhet se është identifikuar dhe arrestuar një tjetër person që dyshohet se ka përkrahur autorët e krimit.
Shtetasi i arrestuar është 46-vjeçari A.H., i cili akuzohet se në bashkëpunim me një 32-vjeçar kanë bërë lëvizjen e automjetit të përdorur në atentatin e dështuar nga vëllezërit F. M. dhe M. M., të cilët dyshohet se qëlluan me armë zjarri ndaj A.M. dhe A.D.
Sipas hetimeve, automjeti i llojit “Ford” u lëviz nga Berati dhe u fsheh në Durrës me qëllim shmangien e identifikimit dhe hetimeve. Për momentin, autoritetet po vazhdojnë kërkimet për kapjen e vëllezërve F. M. dhe M. M., të cilët janë ende të shpallur në kërkim.
LEXONI GJITHASHTU:
- Qëllohet me armë zjarri nga një automjet drejt 2 personave në Berat
- Atentati në Berat/ U qëlluan me kallashnikov, shkak pazaret e drogës në Greqi
- Atentati në Berat, sekuestrohet arma dhe makina e përdorur nga autorët, 1 i ndaluar
- EMRAT| Detaje nga atentati i dështuar në Berat, kush janë autorët dhe shënjestra
