Atentati ndaj Ndrecës, Berisha: Akt i pashembullt në historinë e zgjedhjeve

Kreu i Grupit Rithemelimit Sali Berisha ka reaguar në lidhje me atentatin me tritol që i është bërë mëngjesin e ditës së sotme kreu të Grupit të Rithemelimit në Vaun e Dejës.

Në një deklaratë për mediat, tritolin në makinën Ndrecës, Berisha e ka konsideruar si akt të pashembullt në historinë e zgjedhjeve.

Teksa e ka cilësuar si krim, Berisha bëri fajtor ministrin Bledi Çuçi për ngjarjen.

Sot në mëngjes u krye një akt i rëndë i terrorizmit shtetëror kundër Bernard Ndrecës, kryetar i PD për Vaun e Dejës, me qëllim eliminimin e tij fizik.
Bernard Ndreca është një qytetar shembullor, e tillë është familja e tij.
Terroristë shtetërorë, sipas regjistrimit të kamerave, kanë vendosur tritolin në makinën e tij. Bernardi, tek nisej për në punë, pas disa metrash përballet me një eksplozion të tmerrshëm që i shkatërron pjesën e përparme të makinës. Por fatmirësisht, vetë ai shpëtoi nga ky atentat i mirëfilltë politik. Me këtë akt terrorist, Edi Rama inauguron çeljen e fushatës së tij elektorale.

Ky përbën një krim të shëmtuar, përbën një akt të pashembullt në historinë e zgjedhjeve kur një drejtues kryesor i një dege të PD-së, sulmohet apo ndaj tij organizohet një atentat për likuidimin e tij. Vau u Dejës dhe e gjithë Shqipëria janë më të vendosur se kurrë në fitoren e këtyre zgjedhjeve dënoj këtë krim të shëmtuar. Specialistët e tritolit janë në kontrollin qeveritar shtetërore. Për këtë bëj përgjegjës Çuçin”- tha Berisha.

LEXONI GJITHASHTU: 

• Bursa Shqiptare Energjetike, Balluku: Krijimi i likuiditeteve do jetë sfida e radhës
• Nis operimin Bursa shqiptare e energjisë, Kim: Furnizim më të mirë e çmime të lira