Vrasja e kunatit të Bejtjas, foto e makinës së atentatorëve. Mjeti u vodh në Tiranë

Një ngjarje e rëndë ndodhi mbrëmë në mesnatë në fshatin Larushk në zonën e Fushë Krujës ku u vra 1 person ndërsa janë plagosur edhe dy të mitur.

Ramazan Sulo ishte personi që mbeti viktimë e këtij atentati, ndërkohë të plagosur mbetën edhe nipërit e tij 10 dhe 13 vjeç.

Objekti i këtij atentati mësohet të ketë qenë Gentian Bejtja, ndërkohë bëhet e ditur se janë ndaluar nga policia tre persona të dyshuar si autorë të atentatit.

Gazetarja e Euronews Albania Sara Demushi, ishte në banesën e Gentian Bejtjas ku u krye edhe atentati i tretë ndaj tij.  Ajo tha se në makinën e djegur, e cila dyshohet se ëhstë mjeti të cilën përdorën ekzekutuesit e atentatit janë gjetur dy kallashnikovë.

Ndërkohë mjeti mësohet se është vjedhur në Tiranë.

“Duhet thënë se Bejtja ka qenë i arrestuar edhe më herët për arsenal armësh në banesë.

Ndërkohë në automjetin e djegur janë gjetur dy kallashnikovë të cilët dyshohet se kanë lidhje me autorët që kanë kryer këtë atentat. Ky është atentati i tretë ndaj Gentian Bejtjas”,-tha Sara Demushi.

LEXONI GJITHASHTU:

• Durrësi pa plazhe publike, bashkia premtoi 10% më shumë hapësira për pushuesit
• Shqiptari nga Nju Jorku: Jemi njësoj si amerikanët, komuniteti më i ndritur